شعر وقصة

تهنئة جريدة وموقع حديث اليوم للشاعر المبدع/ طه ابراهيم سيد فوزه بالمركز الرابع بمسابقة رابطة شعراء العامية المصرية

بكل الحب تهنئ جريدة وموقع حديث اليوم الشاعر المبدع/ طه ابراهيم سيد فوزه بالمركز الرابع بمسابقة رابطة شعراء العامية المصرية مسابقة بورسعيد وحصوله على 50.5 من 60 درجة وقيمة الجائزة 500 جنيها مصريا.

 

فوق القنال

**************

زي النهارده بنفتكر

وقفة رجال

والمعركه كانت هنا

فوق القنال

شعب انتفض زي الاسد

لازم نصد الإحتلال

من بورسعيد

الكل قدم ملحمه

والهمه كانت للسما

شعب إنما ………….

صامد ويسلك ف الحديد

ساعة الخطر

تلقي البطل

دمه بيغلي ف الوريد

ما عمره ابدا ينكسر

أو يوم يطاطي للعبيد

ساعة الخطر

تلقي الولاد زي الاسود

يحموا الحدود

شرق وشمال

من بورسعيد حتى القنال

الشعب قدم ملحمه

والهمه كانت للسما

شعب إنما

………….

صامد ويسلك ف الحديد

لازم يصد الاحتلال

حتي الحريم

ف المعركه زي الرجال

شوفنا البطوله

ف شكلها زي الخيال

مصر النهارده بتتولد

مع يوم جديد

وف حضنها مليون جمال

مين ده اللي قال

إن احنا ممكن ننكسر

او نندفن تحت الرمال

دا احنا الصغير مننا

مشروع شهيد

هاتوا العدو وفكروه

عل جري

من بورسعيد على بور فؤاد والقنطره

فاكر أكيد

إن كان جرئ راح يعترف

وإن كان جبان راح يختلف

بس المهم المجزره

كانت لمين

احلف يمين

كنا نصاري ومسلمين

شيلين كفن

ووقفنا ايوه كلنا

نحمي الوطن

ساعة الخطر

كل البلد بدو وحضر

من شرقها أو غربها

كل اللي عاشق ارضها

بيقول أمين

مقالات ذات صلة

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى