شعر وقصة

رابطة مبدعى العامية المصرية تهنئ المبدع السيد الشربينى

بمناسبة فوزه بالمركز الأول فى مسابقة بورسعيد وحصوله على 52.50 من 60 درجة وقيمة الجائزة 2000 جنيها مصريا

قدمت امس رابطة مبدعي العامية تهنئة قلبية للشاعر المبدع/عادل السيد الشربيني فوزه بالمركز الأول بمسابقة بورسعيد وحصوله على 52.50 من 60 درجة وقيمة الجائزة 2000 جنيها مصريا 

وجاء النص كالتالى 

يا مدينة

يا مدينه شايله الحِمل من بدري **

ومعلمّانا الحب للمالح

ممدود ف قلبي العشق من جدري **

 فماهيش غريبه ان النبات صالح

أنا من بلاد المينا والنورس **

من عِشقُه ليها البحر يحضنها

من عهد مينا وملحمة حورس **

 مين فى البلاد اتحملت دونها

محروسه حارسه لناصية الدنيا **

ومصر شاهده وفارده جناحيها

عمر البِنيه ما غفِّلت ثانيه **

مين ده اللى يقدر يجي نواحيها

يا مدينه شالت م الحمول شيله **

 مصر الجميله أكيد بتستاهل

أصغر عروسه فى شجرة العيله **

 مكتوب عليكى تشيلي ع الكاهل

أنا من مدينه الكل دان ليها **

وقت الحروب ماتخافش م الدانه

صوت البارود هو الأدان ليها **

 تنده ولادها ف ثانيه تلقانا

ع الناصيه حارسه لمصر والقاره **

بتراب محنى بدم م الغالي

علشان تعيشي يا بورسعيد حره **

وتظل رايتك ساكنه في العالي

يا مدينه شالت حمل مش ليها **

نصبوا لها فخ في ملعب الكوره

وعشان حارسها الرب وحاميها **

 شباك عيونها يوضّح الصوره

فوق الخريطه مدينتى جاتوهايه **

 وف عينى أجمل من ميتين لندن

البحر حاضن للقنال آيه **

فوق منّه نورس للصفا بيدّن

قِصة حياة الدنيا في حروفها **

 ملامحها باينه ف شكلي وخصالي

بتزيد حلاوه كل ما بشوفها **

ف عيون حبيبتي وهي بصالي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى