شعر وقصة

دعاء ممدوح تكتب/ عتاب

كنت بتمني اقابلك ،،، ذي ماعرفتك زمان ،،،

قد ايه شوفت فعيونك ،،،، حضن دافي وفيه امان ،،،

ولطريقك قلبي غني ،،،، لحن صافي وفيه حنان ،،،،

وابتسامتك بحر تاني ،،،، يتولد بيها الزمان ،،،،،

كنت بعشق نبض قلبك ،،،، اللي كان بيضمني ،،،،

كنت برسم لون عيونك ،،،، في حنين بيشدني ،،،،،

يانغم قلبي اللي تايهه ،،،، خدني تاني للقمر ،،،،

رجع الضحكه لعيوني ،،،، اللي دبلها السهر ،،،،

ده الزمان بدل شراعه ،،،، واللي كان بينا انكسر ،،،

اللي كان نبض في عروقي ،،،، يحكي بيه كل البشر ،،،،

اللي كان صدق في طريقي ،،،، بس ده حكم القدر ،،،

لسه فاكر ،،، لسه فاكر يوم قررت السفر ،،،،

لسه فاكر ،،، لسه فاكر قلبي يومها اللي انكسر ،،،،

ولا فاكر حضن ايدك ويا ايدي ،،،،

ولا فاكر نبصك الدافي في وريدي ،،،

لسه صوتك جوا قابي بيناديني ،،،،

اوعي بدموعك اشوفك توجعيني ،،،،

اوعي ودموعك ده قلبي مش حينسي ،،،

بعد لحظه من فراقك توحشيني ،،،،

يومها قولت انك حترجع ،،، مهما طال بينا البعاد ،،،

يومها قولت انك حترجع ،،، لسه فاكر فيه ميعاد ،،،،

قد ايه استنيت ميعادك ،،، والبعاد طول عليا ،،،

قد ايه استنيت ميعادك ،،، امته تيجي اللحظه ديه ،،،

كنت بتمني اداري ،،، لهفتي لما اشوفك ،،،،،

كنت بتمني اداري ،،، جرح عاشق داب في طيفك ،،،

بس قوللي ازاي اداري ،،، بس قوللي ازاي اخبي ،،،

بس قوللي ازاي بأيدي ،،، اقدر انسي جرح قلبي ،،،،

ايوه انت جرحته لكن ،،،، بعد جرحه كان مسامحك ،،،

بعد مابأيدك دبحته ،،،، كان بيتمني يصالحك ،،،،

روح خلاص وابعد بعيد ،،، روح خلاص خليك سعيد ،،،،

واوعي ترجع مره تاني ،،،، تأذي قلبي من جديد ،،،

اوعي ترجع مره تاني ،،،، تأذي قلبي من جديد ،،،،

بقلم /دعاء ممدوح حسن

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق